Искуства
Татјана после неколку годишна пауза повторно почна да ја практикува јога. Почувствува зголемување на еластичноста на целото тело и опуштање на мускулатура во вратот, грбот и половината. Во асаните максимално се опушта и после часовите се чувствува како ревитализирана.
Вежбите ги практикува секојдневно во домашни услови. Со нетрпение го очекува секој јога час, бидејќи јога вежбите ја исполнуваат со позитивна енергија и чувство на смиреност.
Лука редовно практикува други видови на тренинг кои акцентот го ставаат на снагата, но и недостасува истегнување на телото, заради што започна да практикува јога.
Смета дека јогата е пракса која и овозможува да го слуша своето тело, односно да биде присутна во своето тело. Воедно и помага да се ослободи од стресот и пронајде мир во своето тело и ум. Посебно го сака делот од часот посветен на јога нидрата или јогиска релаксација.
Маја почна да практикува јога со јаки болки во ‘рбетот, посебно после будење, вели дека и требало доста време додека се исправи и додека го раздвижи телото. Со практикување на јога во Алегра, во моментот Маја нема никаква болка во ‘рбетот.
Објаснувањето е дека ако не го раздвижите ‘рбетниот столб ризикувате мускулите да ви се згрчат и да добиете болки, затоа треба да го ослушкувате своето тело, тоа секогаш ви кажува што му е потребно.
Важно е да се зајакнат мускулите и да се подобри координацијата.
‘Рбетниот столб е флексибилен, тој ни дава стабилност и мобилност, единствено што не му одговара е пасивноста.
Болките во ‘рбетниот столб предупредуваат на нерамнотежа во телото и потреба да се зајакне мускулатурата и меѓупршленската ‘рскавица да се врати на место.
Во 90 проценти од случаите болките во зглобовите на пршлените ги предизвикуваат нееластични и скратени лигаменти и слаби мускули, со помош на јогата се зајакнува грбната мускулатура и спречува болката, а ако сакате да ја одржите во форма ‘рскавицата меѓу пршлените користете вежби за истргнување и свиткување, преку кои пршлените се снабдуваат со течност и хранливи материи.
Како резултат на постојано седење на столица во канцеларија имала болки во вратот и рамењата кои бргу исчезнале. Дишењата кои ги учиме на часовите во Алегра, редовно ги практикува и дома и смета дека истите позитивно влијаат на работата на срцето и ги нема повеќе тахикардиите кои претходно ги имала. Смирена и со позитивна енергија, ја опишуваат сите од нејзината околина.
Александра почна да практикува јога да види дали ќе се пронајде во вежбите. По кратко време се пронајде во асаните и се увери во подигнувањето на свесноста за телото преку јогата.
Ги почувствува позитвните ефекти од јогата како правилното дишење, смиреност на телото и умот, намален стрес а и го освести правилното држење на телото во текот на целиот ден.
Покрај сите спортови кои ги практикува, јогата и нуди комлетно решение за здраво тело, здрав дух и здрав ум.
Омилена и јога нидрата, поради која што и почна да вежба јога.
Костанца имаше ригидност на зглобовите и колковите, болки во препоните, вкочанетост во колената и не можеше воопшто да ги свитка колената, да ги рашири нозете и да клекне.
Со практикување на јога во Алегра, сега нема никакви болки, се чувствува еластична и раздвижена и може лесно да ги витка колената и да клекне. Вели дека јогата и го олеснила животот.
