Откако ќе се усоврши во асаните, јогинот би требало да вежба пранајама, според упатствата на својот учител.
Кога здивот не е правилен и умот е нестабилен, но кога дишењето е смирено, тогаш и умот е смирен и јогинот живее долго. Затоа е потребно да се смири здивот. Свесноста за сопствениот здив не присилува да бидеме во сегашниот момент, односно да сме апсолутно присутни во истиот.
Со првото вдишување започнува нашиот живот, а престанува со последното издишување. Но, како дишеме во текот на животот, тоа малкумина го знаат или малкумина водат сметка за тоа. Ова наше незнаење може да резултира со разни заболувања и секако да се рефлектира на психофизичката состојба. Свесното дишење ја зголемува циркулацијата и ја намалува напнатоста во мускулите, го подига нивото на свесност и ги отстранува негативните емоции.
Спрема јога учењето виталната енерија со која е исполнет космосот, на која старите јогини и придавале големо значење, на санскрит е наречена прана.
Праната е етерична сила која го исполнува универзумот. Се наоѓа во се’ што е живо и неживо. Праната, иако е тесно поврзана со воздухот што го дишеме, сепак не се работи за иста работа, таа е посуптилна од воздухот и може да се каже дека претставува енергетска основа за која се наоѓа во универзумот. Ја има во човекот, во животните, во растенијата, во каменот, во земјата.
Праната е замислена како космичка енергија која човекот ја вдишува од атмосферата и преку енергетските канали, нади, ја депонира во нервните центри, таканаречени чакри.
Јога асаните не се само вежби наменети да го ојачаат и истегнат телото, вистинската примарна цел на јогата е да ги отвори енергетските канали во телото.
За да може праната најцелисходно да се апсорбира, јогините изумиле специјална техника на дишење, пранајама, со помош на која се успорува целиот дишечки процес.
Пранајамата има пет фази на дишење од кои главни се три: вдишување, задржување на здивот и издишување. Задржувањето на здивот после вдишувањето или издишувањето игра голема улога во зголемувањето на капацитетот на плуќата како и за медитативни цели (забрането е за особи со покачен крвен притисок, срцеви заболувања или во бременост).
