Чакри

Чакри претставуваат енергетски центри низ кои тече енергијата во нашето тело и кои не држат во баланс. Вкупно се седум и се наоѓаат по должината на ‘рбетот. Предната страна на чактите е поврзана со чувствата, а задната со вољата. Тие примаат и ослободуваат животна енергија, прана и на тој начин го поврзуваат нашето тело, со универзалната енергија. Блокираната енергија во чакрите прави манифестации, кои често пати водат кон болест, која можеме да ја спречиме ако подетално ја запознаеме и разбереме нивната важност и функции, како би промениле одредени нивни енергии и воспоставиле баланс во секојдневниот живот.

Секоја чакра е поврзана со одреден дел од телото или одреден орган, кој таа чакра го снабдува со енергија. Отвореноста односно протокот на енергија низ нашите чакри, ја одредува нашата здравствена состојба.

Овие седум енергетски центри се седишта на ендокрините жлезди и се поврзуваат со главните нервни ланци. Јога вежбите или асаните имаат влијание на една или повеќе ендокрини жлезди, така на пр. сарвангасана или ставот свеќа, врши притисок на штитната жлезда, која е непосредно поврзана со вишудхи чакрата и со нејзина масажа се подобрува нејзината функција, буџангасана или кобра го стимулира првилниот тек на енергија низ првата, муладхара чакра, а ставовите тријаголник и чамец ја потпомагаат работата на манипура чакрата, на соларниот плексус. Ефектот е многу појак доколку се насочи концентрацијата во тој предел. Со насочување на концентрацијата на одредени чакри во текот на вежбањето, се стимулира слободен проток на енергија во нив.

Седумте енергетски центри или чакри се:

1. Муладхара
2. Свадхиштана
3. Манипура
4. Анахата
5. Вишудхи
6. Аџна
7. Сахасрара

Разликуваме пет видови на прана во човековото тело:

• Апана, која се наоѓа под папокот и обезбедува енергија во гениталиите, бубрезите и дебелото црево. Нејзината функција е исфрлање на праната преку ректумот.
• Самана, сместена во делот меѓу срцето и папокот и одговорна е за желудникот, панктеасот, тенкото црево и црниот дроб и правилна асимилација на хранливите материи.
• Прана, сила со помош на која се вовлекува здивот, делот меѓу душникот и дијафрагмата, поврзана со говорот, респиратирните органи и мускулите кои нив ги активираат.
• Удана, се наоѓа над душникот и со нејзина помош се активираат сите сензорни рецептори, очи, уши, нос, без неа не можеме да имаме свесност и да мислиме.
• Вјана се провлекува и го исполнува целото тело, ги доведува во рамнотежа другите животни енергии и ги контролира сите движења во телото. Одговорна е за исправена положба на телото и ги активира екстремитетите и мускулите, лигаментите и нервите во телото.