Времето во кое живееме е фантастично, еволуцијата на човештвото ги надминува сништата на нашите претци. Нашиот живот, во споредба со животот на нашите претци, личи како на бајка. Но, дали со напредокот на технологијата денешниот човек е среќен.

Ако погледнеме поубаво, ќе ги видиме сите тие уморни и загрижени лица, без насмевки, предебели стомаци и тесни градни кошеви. Денешниот човек се повеќе пие апчиња за спиење, прашоци за да ги спразни своите црева, зема апчиња за смирување.

Животот на денешниот човек се повеќе претставува трагање, во светот кој минува низ транзиција и хаос. Од тие причини, се поголем број на луѓе патат од физички и психички проблеми како што се стрес, нервоза, несоница, депресија, болки во делови од телото предизвикани од долго седење и нераздвиженост.

За да се справи со истите денешниот човек мора да направи длабоки промени, односно да го смени начинот на кој реагира на стресниот живот на оваа планета, во смисла на враќање на моќта, над своето однесување, преку постигнување рамнотежа на вашето тело и ум.

Затоа се повеќе луѓе во светот се вртат кон јогата, пред се заради придобивките од истата, односно подобрување на еластичноста, поголема сила, смалување на болката, зголемена циркулација, подобро дишење, константна свесност, ослободување од стрес.