Алегра е јога студио во Стар Аеродром, во кое можете да ги почувствувате сите благодети од јогата, во секој дел од телото, орган и секоја ќелија на вашето тело.

Меѓу повеќето видови јога, во светот највеќе се практикува хата јогата. Таа се занимава со физичкото тело и енергии, вежби за прочистување на телото кои го смируваат умот и го дисциплинираат телото. Традиционалната Хата јога во Алегра јога студиото се изведува преку асани во кои се задржува подолго време, пранајама или техники на дишење, пратјахара или вештина на опуштање.

Техники на концентрација, контемплација и медитација се предвидени за понапредните практиканти.

Првиот, пробен час во Алегра е бесплатен како би им овозможиле на сите кои би сакале да ја пробаат оваа древна техника да дојдат на час. Доколку ви се допадне и се одлучите да продолжите со практикување јога, наша препорака е да бидете редовни на часовите и за кратко време ќе почнете да чувствувате промени во телото и умот. Добро е да се доаѓа кај истиот јога учител, кој ќе може да ве следи како напредувате и постепено да ве упатува на се што на вас ви е потребно.